:: مسـاحتي الضائعة – سراااب الدوحه ::

تستخدم هالشريحـة لجهاز الأيفون 4 الجــديد

وأيضاً لجهاز الأيباد ..

هنا الفرق بينهم

وكثير سمعنا عن قص الشريحة العادية لشريحة مصغرة لاستخدامها في الأيفون ..
لكن ما سمعنا العكس …
/

والشيء اللي يقهر ان المصغرة ما نستفيد منها إلا في الأيفون والايباد
وما تركب على أي جهاز غيرهم ..

/
هالشيء كان مضايقني .. لاني مرات اضطر اغير كرتي من تلفون لين تلفون ..

لكن مع هالشريحة الصغيرة فقدت الأمل ..

وشركة الأتصالات ما تعطيك شريحتين ( عاديه ، ومايكرو ) بنفس الرقم
ويشتغلون مع بعض ..

/

فكان الحل أن افكر بطريقة تناسبني شوفوها في الشرح ..
يمكن تناسبكم /

للعلم : تغيير الشريحة من عادية لمصغرة يصير من أي فرع فودافون وبتكلفة 25 ريال
ويكنسلو الشريحه العادية والعكس … بنفس الوقت ..

والفكرة هي ..

بإنشاء حافظة أو ماسك للشريحة المصغرة بحجم الشريحه العادية
حتى يمكن ادخالها في الجوالات العادية ..

نحتاج كرت مب شغال / او ممكن أي بطاقة /

ثاني شيء العدة

أدوات بدائية .. لاني ما جهزت عدل للموضوع ..

/

بعدها جمعت كل شرائح الأتصالات اللي عندي
من السعودية ،
ومصر ،
وامريكا ،
والدوحة ،

بالأضافة لشريحتي الخاصة بالايفون 4 المايكروسيم من فودافون ..
للمقارنــــــــة

/
بعد البحث والتدقيق بين الشرائح
وجدت أن أنسب شريحــة مشابهـة لشريحة فودافون المصغرة
هي الشريحة العادية لشركة الأتصالات STC
والسبب عشان نقدر ناخذ المقياس ..

نلاحظ من الصورة .. شريحة الاتصالات السعودية
وقمت بالتحديد عليها
وللعلم انا هنا ماراح اقصها هي .. بس حتى أخـذ مقاسات مشابهه لها ..

والشريحه اللي قصيتها هي شريحـتي العادية المتكنسلة من فودافون
اشتقت لها بعدما غيرتها لمايكروسيم ..

/

نلاحظ عمليه التخطيط
والمقارنـة الأخيرة بين شريحة الأتصالات
ومحاذاتها مع الشريحه العادية (الي بقص فيها )

ولتسهيل عليك الفكرة فكر كيف تدخل الشريحة المصغرة
بالشريحـة العادية من جهة اليمين ..
مع مراعاة المسافات في الأعلى والأسفل

/
بعدها نبدأ بالقص من جهـة اليمين للشريحة
وبالتحديد من عند الخط المعدني بالأعلى والأسفل ..
ومن ثم من اليسار ..

حتى نخرج بهالصورة ..

ونلاحظ كيف راح ندخل الشريحة المايكروسيم المصغرة
داخل الشريحه العادية ..

نلاحظ اشلون تم أدخال الشريحة المصغرة في الشريحة العادية
في مكانها واصبحت وكأنها شريحة عادية ..

وأيضاً من الخلف

نركز على الزاوية المثلث / نفس اتجاه ادخال الكرت .

/

جاء وقت التجربة ..
باستخدام هاتف نوكيا E51

أول شيء ندخل ماسك الشريحة العادية في مساره بشكل عادي
وبعدين نحـط الشريحة المصغرة بنفس الأتجاه ونطابقها مع الشريحة العاديه
وندزهم مع بعض ..
كما بالصورة

بعدها نشغل الجوال ونشوف هل سيتم التعرف على الشبكة
والشريحـة ..

الشبكة شغاله فودافون .. بنفس التوقيت ..

وتم قراءة الأسماء في الشريحة المصغرة وجاري نسخ الأرقام من الشريحة للجوال

وبعدها التأكـد من الأتصال بالشبكة / سواء فودافون أو كيوتل

وتمت العملية بنجاح ..

صار عندي الماسك أو الحافظ للشريحه المصغرة …
واقدر أشغل أي تلفون عادي بأي وقت باستخدام نفس الشريحه الصغرة
وأبدل بين الأيفون واي جوال عادي ..

واآخر شيء
رجعت الشريحة للأيفون4 للتأكد أن الشريحه ما صار لها شي
أصلاً ما لمستها

في الأخير :
يعطيكم العافية ..
واتمنى للجميع التوفيق ..