:: مسـاحتي الضائعة – سراااب الدوحه ::

نواصل معكم الرحلــــة ..

كان تخطيطي اني لازم اروح العين ..
لان فيها شخص عزيز علي قابلته في الأنترنت
وما صار نصيب ونشوف بعض ..
قلت يالله أروح اغير جو في العين وبالمرة اشوفه ..

طبعاً كان مدير الرحلة ســـــــراب
وانا مساعده ..
وتحركنا
يقول لازم اوديك العين الفايضه
عاد انا اقول بنفسي شكلها منطقة في العين
واسمها الفايضه

اخر شيء طلع مكان خطير

إليكم الصور

نشوف العين الفايضه
سبحان الله وبحمده

طبعاً المكن صار مثل المنتجع السياحي
مكان جميل بصراحه ..

صورة أخرى ونشوف الجبال قريبة من المكان

بس احنا وصلنا المكان الظهر ..
وكنا بصراحه جوعانيين
والشمس لاعبه لعبتها فينا ..

عشان جيه قلنا نروح نشوف لنا مطعم ..
وشفنا المطاعم اللي هناك في العين الفايضه
لكن طلعو ما يدقون سلف معانا
وبعد المشاورات تم الأتفاق على نشوف مطعم
يقدم مندي

عاد المشكلة احنا ما ندل الأماكن في العين
قمت اتصلت في حبيب قلبي ” أحمد ”
وانصدم اني في العين قام يدلنا يمين يسار
لين وصلنا لمطعم خطيـــــــــــــــــــــــــــــر
اسمه اليحـر للمأكولات الشعبية

بصراحه كان ودي اصوره بس احراج
زحمه وكله شباب ..

المهم دخلنا وطلبنا لنا من ذاك الأكل الزين
وبصراحه اكلهم ما شاء الله تبارك الرحمن
طيب المذاق < << يسوي دعايه للمطعم المهم تمينا تقريبا في حدود ساعه إلا ربع من السوالف الطيبة .. والخ شوي إلا ترن ترن تلفوني يرن ويطلع صديقي احمد يقولي وصلت المطعم // قلت ايه وتغدينا والحين بنحرك ألا يقولي وين بتحرك انا جاي من بعيد وانتظرك برا المطعم قلت ماشوف حـد يقول ما تشوف واحد حلو لابسه كندوره بيج قلت شنو كندوره لا وبعد بيج خخخخخخخ مب متعودين أحنا على هالسوالف وطلع الحبيب وتم اللقاء .. وبصراحه استانست اني شفته .. تقريبا فوق سنه نعرف بعض من خلال موقعنا وفي الاخير شفته .. رجال ونعم الرجال .. عاد حلف يعزمنا والخ .. وانا تعذرت واتفقنا يزوني دبي يوم الخميس ووافق على هالشرط .. عقب بقولكم شنو استوى من مفاجاة في دبي يوم الخميس المهم واصلنا رحلتنا .. وكانت الخطـة لصعود قمـة جبل حفيت .. وإليكم الصور بصراحه شيء أكثر من رائع .. في الطريق ..

ونشوف لما قربنا من السور اللي قبل الطريق ..
ارض خضراء سبحان الله ..

صورة أخرى ..

وتم الصعود تدريجياً للجبل

نلاحـظ بعض الصور من نص الجبل

بعد ما رحنا فوق شوي

نشوف اشلون الطريق بشكل حلزوني مرتب بصراحه
فيه مواقف طوارىء بشكل كبير .. مريحه ممكن الواحد يوقف
يصور ..

ونلاحظ الهاويه من هنا

وشيئاً فشيئاً إلى أن وصلنا القمــة
قمة جبل حفيت ..
مواقف كبيرة بشكل جميل ..
وفيه فوق كافتيريا ومطعم بشكل مرتب وحلو ..

وفي الجهـه الأخرى اعتقد فندق
إليكم الصور

نشوف المطعم

بشكل تقريبي اكثر

من الطرف الأخر ونلاحظ بعض الزوار

ونلاحظ في الصورة الفندق أو المنتجع اللي فوق

بعدها كانت اخر رحلة لي الى السوق الصيني
بصراحه سوق أكثر من رائع ..
من حيث المساحـة
التنوع ..
الأسعار ..
والترتيب ..

ماقدرت اتمشى فيه كثير ..
لكن أخذت العاب حق اليهال
وكم غرض فيه ..
وقارنت الأسعار باسعار الصين ..
تقريبا اغلب الاشياء اللي شفتها خلال رحلتي للصين
موجودة عندكمـ .

وما قدرت اصور لأني كنت مشغول ..

صورة سوق التنين من الخارج

وهالصورة لشعارهم التنين من الخارج ولكن غير واضحه

وبعد ما دخلنا
هذي صورة بعد المدخل بشوي

اخرى

هالشكل نكون خلصنا الرحلـــة للعين ..
وبقيتها في دبي
دولة الأمارات الحبيبه ..

بالفعل كانت من أنجح واروع الرحلات اللي قمت فيها ..
اسبوع .. مر مثل الصاروخ ..

وان شاء الله يتكرر وازور بوظبي وعيمان وليوا وراس الخيمه ..

في الختام .. هي دعــوة ..
نسأل الله العلي العظيم .. أن يغفر للمرحوم باذنه الله الشيخ زايد
على هذا الأنجاز العظيم لهذه البلد الطيبه ..

ونقول لكل من في هذه الأرض ..
يعطيكم الف عافيه .. وعساكم على القوة دوم يارب ..

يسرني استقبال أقتراحاتكم ..
وأرائكم … وملاحظاتكـمـ ..

محبــكــمـ
سراااب الدوحــه 

اخرى

وأيضاً من قريب

وهذي صورة من خلف الشبـكـ او الحاجـز هناك
نلاحـظ اختفاء المعالمـ لبعد المكان وارتفاعـه

بعدها نزلنا من على الجبل

ومررنا بمنطقة العين بشكل سريع
متجهين إلى البيت ..

وشفت دوار في العين عجبني
قمت صورته ..واحنا ماشين على السريع

ومشينا لين وصلنا دبي بالسلامه ..

أغـــــرقيني ..

في شطئان أوطــــــــــــانك عند المغيب ..

يتعـبـــــــني ..

يشــــــــتتني ..

يؤرق مناااامــــــي ..

فكيف لا وأنا بدونـــــــــــــك ..

فأغـــــــــــرق ..
حتى الــــــــشوق ..

أنقــــــــــذيني ..

وأقـــــــــذفيني .. لشـــــاطىء أمانـــــــــك ..
ولمرســـــــــــــــــــــــــــــــى حنـــــــــــانك ..

فأمواج ظروفي عاليــــــــــة ..
فدعيــــــــني ..

أغــــــــرق في بحــــــــرك ..وأتأمــــــــل مكنون جــــــــمالك ..

يا بحـــــــــــــــــــراً يســــــــــكن في عيني ..

ويا قمـــــــــــــراً ينير الظلمــة في ليلــي ..

دعــيــني
أغــرق .. مــنــكــ إليــكـــ

بوحـ سرااابي
17-5-2007

:: أحتراق إشتياقي ::

يا شوقاً يعصف بي ..

ويقذف بتفكيري عرض الحائط ..

ويجعلني كالمجنون ..
هائم ..

لا أعلم هل للوجود إحساس ..
مثل إحساس شوقي لك ..

فهو ذلك الشوق
الذي يجعل المكان غير المكان ..
ويجعل الزمان مختلف ..
رائع ..
ذو مذاق جميل ..

رغم قسوة أعصاره
عندما يدمر مخيلتي ..

فأجلس وحدي كل مساء
أسامر خيالي ..
وأبني قصور أحلامي ..
علني أروي ظماً ذلك الشوق ..
الذي يقتله الأنتظار ..

فهما لا يلتقيان حروفاً وإحساساً
الشوق والأنتظار ..
شتان ما بينهما ..

فغريب هو إحساس ليلـة البارحـة ..

كيف يكون أحتراقي ..
وأنتي هناك ..
في ذلك العالم المخملي ..

لا يصلني منك إلا ســــــــــــرااابـكـ ..

وأحاول حينها جاهداً
أن ألملمــــه ..
وأحفظ بقايا شتاتــــه
علني أشــفي غليل أنتظــــــــاري ..

وأنين أحتضـــــــــــاري ..

بدونــــــــــــــــك ..

ففي الأمس كنا ..
تغربنا المسافات ..
وتبعدنا غربــة السنين ..

وبعد أن كان اللقــــــــــــاء ..
منذ لمحتي الأولى ..
وأنتي مهجتي القصوى ..

فكيان وجـــــــــودك في هذا المكان
هو من جعلـــــــــــني أســطر حروفي ..
وأسافــــــــــر في بحوري ..
وأكـتـــــــبــــــــك نثراً لتعطري شعوري ..

حتى عشــــــــــقتك ..
وأي عشــق ..

او لم تسمعي بعشقٍ مجنون ..

هو كــذلك ..

عشقي المجنون إلــــــــــيك ..

فكيف حينها ..
لا يكون أحتراق شوقي بكـ ..

:: بوح سرااابي ::
16-5-2007